जिल्ला आयुर्वेद स्वास्थ्य केन्द्रको स्थापना २०५२ सालमा भएको हो । यस कार्यालय मध्यविन्दु नगरपालिका वडा नं. १०
अरुणखोलामा अवस्थित छ । यस कार्यालयले गण्डकी प्रदेश सरकार, सामाजिक विकास तथा स्वास्थ्य मन्त्रालय, स्वास्थ्य
निर्देशनालय मातहतमा रही कार्य सञ्चालन गर्दछ । नेपालको मौलिक उपचार विधि आयुर्वेद चिकित्सा पद्दतिको माध्यम वाट
स्वास्थ्य प्रवर्धनात्मक, प्रतिकारात्मक र उपचारात्मक सेवाहरु प्रवाह गरी नागरिकलाई स्वास्थ्य सेवा प्रदान गर्दछ ।
उद्देश्यहरुः
नागरिकहरुलाई आधारभूत आयुर्वेद चिकित्सा सेवा निःशुल्क रुपमा प्रदान गर्ने,
विरामीको निःशुल्क स्वास्थ्य परिक्षण तथा औषधि वितरण गर्ने,
स्वास्थ्य प्रवर्धन सम्वन्धि कार्य गर्ने,
जडिबुटीको प्रयोग, संरक्षण र प्रवर्धन गर्ने ।
कार्यालयका जिम्मेवारीहरुः
प्रदेश सरकार अन्तर्गत स्वास्थ्य निर्देशनालय मातहतको कार्यालयको रुपमा रही प्रदेश र स्थानीय तहसँग समन्वय,
सहजीकरण, सहयोग एवं तोकिए बमोजिम प्रदेश निर्देशन कार्यान्वयन गर्ने ।
निःशुल्क विरामी परिक्षण तथा औषधि वितरण।
दैनिक रुपमा योग, पञ्चकर्म संचालन गरी नसर्ने रोग व्यवस्थापन गर्ने।
स्थानीय सरकार र आयुर्वेद औषधालय वीच समन्वय गर्ने ।
जिल्ला स्थित आयुर्वेद तथा वैकल्पिक चिकित्सा प्रदान गर्ने सरकारी, निजी संस्था र कर्मचारीहरुको सुपरिवेक्षण,
अनुगमन, नियमन तथा गुणस्तर सम्वन्धी कार्य गर्ने ।
समुदायमा स्वास्थ्य प्रवर्धनका कार्यक्रमहरु तथा अभियानहरु सञ्चालन गर्ने ।
स्थानीय स्तरमा उपलब्ध जडिबुटीको पहिचान, संरक्षण गर्ने तथा संकलन गरी औषधि निर्माण र सेवाग्राहीलाई
वितरण गर्ने ।
संघीय र प्रदेश सरकारवाट तोकिएका कार्यहरु गर्ने ।
आर्थिक तथा प्रशासनिक कार्यहरु गर्ने ।
उपलब्ध सेवाहरुः
निःशुल्क ओ.पि.डी. सेवा,
निःशुल्क औषधि वितरण,
पञ्चकर्म/पुर्वकर्म सेवा,
जेष्ठ नागरिक सेवा,
प्रयोगशाला सेवा,
क्षारशुत्र विधि द्वारा पाईल्स फिसर फिस्टुलाको उपचार सेवा,
भिडियो एक्सरे सेवा(प्रत्येक मंगलवार),
स्तनपायी आमाहरुलाई दुग्धवर्धक औषधि वितरण सेवा,
उपचारात्मक योग सेवा,
जीवनशैली परामर्श सेवा,
जडिबुटी परामर्श सेवा।